განხორციელებული მამოტივირებელი აქტივობები:

მე-7 კლასში განვახორციელე აქტივობა ,,დროის ხაზი’’, აქტივობის მიზანი იყო მოსწავლეთა ჩართულობა, ცოდნის განმტკიცება, რაც ხალისით და ინტერესით წარიმართა. მოსწავლეებს დავურიგე კითხვარი უკუკავშირისთვის, რითიც მინდოდა მოსწავლეების თვალით შეფასება მომეხდინა მსგავსი ტიპის სამუშაოს დადებით ანდა უარყოფითი მხარეების. მამოტივირებელ აქტივობებთან დაკავშირებით აქვე გავიხსენებ, რომ გასულ წელს გამოვიყენე აქტივობა ,,მე ვქმნი პოსტერებს’’, რაც ეფექტური და სახალისო აღმოჩნდა მოსწავლეებისთვის, განსაკუთრებით საბაზო საფეხურზე როდესაც რთული მასალაა ანდა თემა საერთაშორისო ურთიერთობებს ან სამოქალაქო უფლებებს შეეხება. მოსწავლეები აკეთებენ მრავალფეროვან პოსტერებს ხელით ანდა ელექტრონულად სურვილის მიხედვით ინდივიდუალურად, წყვილებში ან ჯგუფში. მოსწავლეები ამავე დროს თანამშრომლობენ, ახარისხებენ ინფორმაციას სასურველ თემაზე, ადგენენ დიზაინს, ამზადებენ საპრეზენტაციოდ მსმენელისათვის. პოსტერები პეროდულად გამოფენილია სასკოლო გარემოში პოსტერებს კითხულობს და ათვალიერებს ყველა. ამ გზით მიმზიდველი პოსტერები, რომლებზეც მეტად საჭირო და მნიშვნელოვანი ინფორმაციაა დატანილი გადასცემენ ცოდნას და სიახლეებს მკითხველს. აღნიშნულ აქტივობას გამოვიყენებ მომავალშიც სასწავლო პროცესში.

  მიგნებები და კვლევის ნაკლოვანებები:

ჩატარებული კვლევა ვფიქრობ, რომ სხვა სახეს მიიღებს მომავალში, აუცილებლად გავითვალისწინებ რეკომენდაციებს, კოლეგების რჩევებს, მითითებებს, შევეცდები კვლევის მეთოდების დახვეწას და გამრავალფეროვნებას, ასევე სხვადასხვა სახის ინტერვენციის დაგეგმვას, რათა უფრო მეტად ეფექტური იყოს ჩემი მუშაობა, არა მხოლოდ კოლეგებთან, არამედ მშობლებთანაც. ამ კვლევამ უფრო მეტად დააახლოვა მოსწავლეები ჩემთან, ისინი კვლევის კითხვარების შევსების პროცესში თავს თვლიდნენ თანამშრომლად, რომ მეხმარებოდნენ საკუთარი შედეგების გაუმჯობესებისთვის.. კიდევ უფრო მეტად დავრწმუნდი, რომ მოსწავლეებთან თანამშრომლობითი ურთიერთობა ერთ-ერთი მნიშვნელოვანი გარემოებაა სწავლების პროცესში.     კვლევას ჰქონდა ნაკლოვანებებიც, არ იყო მრავალფეროვანი ინტერვენცია, ანკეტას რაც შეეხება, შეიძლება კიდევ უფრო მეტად დახვეწილი, ან მარტივად შედგენილი  იყოს.  ზეპირი გამოკითხვაც შეიძლება დაინერგოს, რადგან დადებით შედეგს იძლევა. კვლევის მიზანი მქონდა საკმაოდ მრავლის მომცველი, რაც რთულიც კი აღმოჩნდა გამოსაკვლევად, რადგან რამდენიმე მიმართულებას მოიცავდა. აუცილებელია მშობლების ჩართულობაც კვლევის პროცესში.